طريقة عمل حلوى العزيزية

طريقة عمل حلوى العزيزية

طريقة عمل حلوى العزيزية

(المكرونة باللبن)


حلوى العزيزية تعتبر من ألذ وأطعم الحلويات حبيناها من غير من نعرف مكوناتها.... كتير مننا قالو عليها مهلبية فرن ومحدش أبدا تخيل ان المكرونة هى العنصر الاساسى فيها 
وطريقة تحضيرها مفيش أسرع وأسهل من كده....حقيقة رووووووعه

المقادير:

* كيلو لبن كامل الدسم
* كيس صغير مكرونة (أى نوع)
* كوب وربع سكر
* 4 ملاعق كبيرة نشا
* ملعقة صغيرة فانيليا
* 4 ملاعق سمن
* كوب ماء فاتر ( بعيد عن الثلاجة)

*** طريقة التحضير:
_ ضعى اللبن فى حله على النار
_ اسلقى المكرونة نصف سلقه بدون أى اضافات (اى نوع مكرونة والبعض يستبدلها بالشعيريه)
_  اخلطى المكرونة المسلوقه فى الخلاط الكهربائى مع  اللبن والسكر والسمن(تخلط قليلا حتى يتم تكسير المكرونة من غير ماتبقى ناعمه)
_ ضعى النشا فى كوب ماء فاتر ويتم تقليبه جيدا
_ ضعى خليط المكرونة باللبن فى حله على نار هادئه وضيفى عليه النشا المذابة فى الماء
_ استمرى فى تقليب الخليط على النار حتى يغلظ قوامه مثل المهلبية
_ اتركى الخليط يهدأ ثم ضعيه فى صينية مدهونة سمن وضعى على الوش ملعقة سمن حتى ياخد الوش لون
_ ادخلى الصينية فى فرن سبق تسخينه واتركيها نصف ساعه
_ قبل ماتخرجيها من الفرن شغلى الشواية عشان الوش ياخد لون
_ اتركيها تبرد تماما قبل تقطيعها حتى تكون متماسكة
وبالهناء والشفاء

  • Facebook
  • Twitter
  • Google Plus

إرسال تعليق